GENIET PRIVAAT STUDENTELEWE IN ONS DAMESKOSHUIS

Dit is vir ons ’n groot voorreg om Amelia Privaat Dameskoshuis aan jou bekend te stel. Amelia is in 2011 gestig en is genoem na Amelia Earhart, wat bekendheid verwerf het as die eerste vroulike vlieënier wat met ’n solovlug oor die Atlantiese oseaan gevlieg het en so aan die wêreld gewys het dat enigiets moontlik is.

Die kern van ons koshuis is integriteit en trots, daarom streef ons na eenheid en liefde onder mekaar. Elke dame word met respek behandel en dis vir ons ’n prioriteit dat jy so gou as moontlik sal tuis voel in jou nuwe huis, ’n balans sal handhaaf tussen akademie, sport en sosiale aktiwiteite, en dat jy sal inskakel by alles wat ons hier bied.

Ons fokus op die volledige studente-ondervinding en wil hê ons studente moet kampus- en koshuisaktiwiteite beleef en terdeë geniet.

Die Educata Groep glo dat reëls en dissipline deel is van gesonde koshuis- en studentelewe, dog is daar genoeg ruimte om jou individualiteit uit te leef en te groei as persoon. Ons bestuur het jare lange ondervinding in die bestuur van privaat buite-kampus-koshuise. Ons is daartoe verbind om te verseker dat ons inwoners die waardes van Amelia handhaaf, en om te verseker dat daar geen ontwrigting gedurende die akademiese jaar is nie.

Ons visie is dat ons studente gebalanseerd sal wees oor die hele spektrum van die lewe: akademie, sport, kultuur en gesonde geestelike lewenstyl en jou studies binne die voorgeskrewe tyd afhandel, sonder om op die lekker van student-wees uit te mis.

Die koshuis het sy eie wapen, leuse en kleure en daar word verwag dat inwoners dit met trots sal dra tydens voorgeskrewe tye.

AKKOMODASIE

Die koshuis is ongeveer 150 m suid van die Universiteit van die Vrystaat en so te sê langs die Fakulteit Geneeskunde geleë. Oop en onderdakparkering is beskikbaar (senior dames kry voorkeur vir onderdak).

Amelia is ’n moderne sesverdiepinggebou en ontwerp as ’n leef-en-leer-fasiliteit. Alle wooneenhede (klusters) is op vloere 1 tot 5 geleë, met ses wooneenhede per vloer. Jy het ’n keuse van twee soorte kamers: privaat enkelkamer met en suite-badkamer in ’n sesbed-wooneenheid of privaat enkelkamer in ’n agtbedwooneenheid met gedeelde badkamers (twee storte, twee toilette en vier wasbakke per wooneenheid).

Elke slaapkamer is toegerus met die volgende: enkelbed, roomkleur gordyn, ingeboude lessenaar met ’n stoel, ingeboude boekrak en klerekas.

Alle wooneenhede het ’n gemeenskaplike kombuis en ontspanningsarea en die gemeenskaplike areas word een keer per week skoongemaak. Daar is koopkragmeters in elke wooneenheid, en studente kan tussen R100-R200 per student per maand vir elektrisiteit begroot. Water is ingesluit by die huur.

Ontspanningsareas is op die grond- en 6de vloer. Die 6de vloer huisves ook ’n eetsaal waar verskillende opsies voorafbespreekte etes beskikbaar is, asook braaigeriewe en die waskamer. Die gimnasium op die 6de vloer sal in 2020 voltooi wees.

SEKURITEIT

Die veiligheid van ons Amelia-damestudente is top prioriteit en daarom het ons die volgende veiligheidsmaatreëls in plek:

Elektriese omheining

24-uur-bemande sekuriteit met gewapende reaksie

Geslotekringtelevisiekameras

Verskeie biometriese toegangspunte na die perseel vir inwoners

Motorhekbeheer deur slimfoon-toepassing

Voltydse inwonende hoof

Gaste moet by die sekuriteit aanmeld

Slegs inwoners se voertuie word op die perseel toegelaat

2020 AANSOEKE NOU OOP

FASILITEITE

HOË-PROFIEL SEKURITEIT

BIOMETRIESE
TOEGANGSBEHEER

HOË-SPOED-WIFI *

PARKERING *

GEMEUBILEERDE KAMERS

WASGERIEWE

WARM WATER

KOOPKRAGMETERS

BRAAIGERIEWE

TUIN

ONTSPANNINGSAREAS

VOORAFBESPREEKTE ETES *

WASGOEDDIENS *

* Bykomende Kostes Betaalbaar

KAMPUSAKTIWITEITE

Akademie kom eerste, maar ons moedig al ons inwoners aan om sover moontlik deel te neem aan alle aktiwiteite op kampus. Koshuisgees en samehorigheid is egter baie belangrik vir ons en dit lei tot ontwikkeling van volkome menswees.

SOSIALE AKTIWITEITE OP DIE KAMPUS:

Jaarlikse Flugtag (Bou van kas karre)

Sêr

SPANSPORT:

Hokkie

Netbal

Sokker

Landloop

Atletiek

ANDER:

Informele en formele huisgeleenthede

Weeklikse huisvergaderings

Jaarlikse Ma-en-dogternaweek

Amelia Week (seniors en eerstejaars)

Lily Week (eerstejaars)

ONTMOET DIE SPAN

VRAE

Aansoeke vir die onderskeie persele moet na die volgende e-pos-adresse versend word:

Amelia Privaat Dameskoshuis – blocka@fttbloem.co.za

Bell Privaat Manskoshuis en Educata Privaat Akkommmodasie – blockb@fttbloem.co.za

 

Verseker dat die volgende dokumente volledig ingevul is:

  • Aansoekvorm, insluitend toestemming vir ’n kredietwaardigheidskontrole
  • Huurkontrak vir ’n privaat kamer in ’n 8-bed eenheid/kluster, 6-bed eenheid/kluster of enkelwoonstel

 

Ondersteunende dokumentasie wat saam versend moet word:

  • Student se mees onlangse universiteitspunte/skoolrapport
  • Afskrif van ID-kaart/-boek en/of studentekaart indien beskikbaar
  • Bewys van betaling van aansoek-/besprekingsfooi van R3 400
  • Afskrif van ouer (persoon verantwoordelik vir rekening) se ID-kaart/-boek

INGESLUIT

  • Water
  • Weeklikse skoonmaak van gemeenskaplike areas

 

UITGESLUIT

  • Kos
  • Elektrisiteit – Koopkragmeters is in elke eenheid geïnstalleer, begroot R100-R200 per persoon per maand
  • Wasgoed – per bondel of vooruit betaalbaar per maand, kwartaal, semester of jaar.
  • Parkering – oop of onderdak
  • Wi-Fi – Koeponne is te koop by die fasiliteitskantoor op die perseel

KAMERS:

  • Enkelbed en matras met stoorplek onder
  • Gordyne
  • Ingeboude lessenaar
  • Stoel
  • Twee ingeboude boekrakke
  • Ingeboude dubbeldeur-dakhoogte kas

 

GEMEENSKAPLIKE AREAS:

  • Gordyne
  • 3-sitplekbank
  • Vier stoele
  • Koffietafel
  • 4-plaatstoof

 

Aangesien die wooneenhede (klusters) selfsorg is, word studente herinner om die volgende saam te bring:

  • Yskas, mikrogolfoond, ketel, rooster – Ons beveel aan dat jy wag tot ná jou aankoms voordat jy enige van hierdie items koop. Of probeer met klustermaats praat voor jy intrek om te vermy dat daar te veel van sekere items is.
  • Een klein slot
  • Waaier
  • Stoomstrykyster
  • Bedlamp
  • Beddegoed, insluitend laken, kombers/duvet, duvetoortreksel, kussing, kussingsloop
  • Verpligtende waterdigte beskermende onderlaken vir matras – Koste ingesluit by die besprekingsfooi
  • Breekgoed
  • Eetgerei
  • Kombuisgereedskap
  • Studente kan ekstra meubels saambring, byvoorbeeld ’n sitkamerstel of studeerstoel. Dit word egter aanbeveel om eers met jou klustermaats te praat (’n Whatsapp-groep sal vir elke kluster opgestel word sodra die klusterplasings afgehandel is) of jy kan wag tot ná jou aankoms voordat jy dit koop

Die geboue is volgens die leef-en-leer-konsep ontwerp om ’n leer-vriendelike omgewing te skep. Die kamerplasing word daarom gemaak met inagneming van studierigtings, akademiese jaar en persoonlikheidseienskappe.

Jy kan egter kies as daar een of meer persone is met wie jy wil deel wat ook aansoek gedoen het by jou koshuis. Dui jou versoek om te deel duidelik bo-aan die aansoekvorm aan. Die bestuur sal hul bes doen om hierdie versoeke te akkommodeer as dit betyds ontvang word.

Jy kan ook gedurende die eerste maand ná jou aankoms kamers/klusters ruil. GEEN skuif/ruil mag plaasvind alvorens die bestuur in kennis gestel is en jy ’n kamerruil-vorm ingevul het nie. Hierdie vorms moet selfs ingevul word indien jy net na ’n ander kamer in dieselfde kluster trek. Enige skuif of veranderings sonder die bestuur se vooraf geskrewe toestemming sal lei tot ’n R500-boete vir elke betrokke party. Studente wat hul verblyf hernu kan hul kamer vir die volgende jaar kies.

Daar is twee sesverdiepinggeboue op die perseel, Blok A en Blok B.

 

Amelia Dameskoshuis – Blok A is ’n privaat koshuis vir slegs damestudente

 

Bell Manskoshuis en Educata Privaat Akkommodasie – Blok B

  • Vloer 1 en 2 is Bell Privaat Koshuis en huisves slegs manstudente
  • Vloer 3 huisves Educata privaat damestudente
  • Vloer 4 huisves Educata privaat manstudente
  • Vloer 5 huisves die amptelike Toyota Cheetah Rugby Akademie

 

Let wel, klusters is slegs vir mans of vroue en geen gemengde mans en vrouens klusters nie. 

Ongeveer 170 m van die universiteit se draaihek en 350 m van die universiteitshospitaal.

Die veiligheid van ons studente is top prioriteit. Die perseel is beveilig met elektriese omheining, dit word deurgaans gemonitor met behulp van geslotekringtelevisiekameras, toegang word net verkry deur biometriese lesers of die slimfoontoepassing, en elke eenheid/kluster, kamer en kas kan gesluit word. Daar is ook 24/7-veiligheidswagte wat deurgaans die perseel patrolleer en hulle is in verbinding met gewapende reaksie.

Nee. Soos by universiteitskoshuise en enige ander privaat verblyf, is studente verantwoordelik vir hul eie persoonlike besittings.

R100 Vir die jaar.

Dit is ’n “huisfonds” wat gebruik word om vir die sosiale en persoonlike-ontwikkelingsgeleenthede te betaal, onder meer huiskuiers, jaareindpartytjies, eksterne gassprekers, ens. Die fonds word bestuur deur die hoofstudent van die tesourie en is ook tot die beskikking van studente as hulle geld benodig om hul eie funksie/idee tot voordeel van die huis te reël. Die tesourier stel ’n jaarverslag saam wat aantoon hoe/waar die huisfonds aangewend is.

’n Terugbetaalbare breekskadedeposito van R1 700 word vereis.

Let wel, die deposito moenie verwar word met die nie-terugbetaalbare besprekings-/aansoekfooi van R3 400 wat jou aansoek moet vergesel nie.

Dit word van studente verwag om aan die einde van hul huurperiode, hul kluster en kamer in dieselfde toestand te laat as wat hulle dit ontvang het. Jy moet aan die einde van jou huurperiode ’n uitgangsinspeksie bespreek met ’n verteenwoordiger by die fasiliteitskantoor. Die inspeksie moet gedoen word op die dag wat jy uittrek en die bespreking moet minstens een week voor jou vertrekdatum gemaak word. Let asseblief op, jou kamer moet opgepak en skoon wees vir die inspeksie. Jou deposito of ’n deel daarvan (indien daar enige skade is wat afgetrek moet word) sal binne vier weke van jou vertrek terugbetaal word. Geen deposito sal terugbetaal word indien die korrekte uitgangsprosedure nie gevolg is nie.

Stuur geskrewe kennis van 20 werksdae na blocka@fttbloem.co.za (Amelia-koshuis) of na blockb@fttbloem.co.za (Bell-koshuis en Educata Privaat Akkommodasie).  Die kansellasie bedrag word soos volg gereken: volle huurbedrag betaalbaar tot aan die einde van die 20-werksdae skriftelike kennisgewingtydperk, plus 75% van die balans van die kontrakwaarde vir die volledige kontraktydperk.

Dit hang af hoeveel jy gebruik, maar jy kan begroot vir ongeveer R100 per persoon per maand. Minder konserwatiewe gebruik kan tot R200 per maand wees.

Die wasgoedgeriewe word beman en ons bied ’n volledige was-droog-en-vou-diens. Daar is verskeie betaalopsies beskikbaar, byvoorbeeld per bondel, per maand, per kwartaal, per semester of per jaar. Een spesifieke dag per week sal aan jou geallokeer word vir jou wasgoed en jy moet jou eie waspoeier en wasgoedversagmiddel verskaf. Jou klere moet duidelik gemerk wees en in ’n duidelik gemerkte wasgoedmandjie ingehandig word wat 24 uur later afgehaal kan word. Koeponne (tokens) kan tussen 8:00 en 16:00 op weeksdae by die fasiliteitskantoor gekoop word, indien jy verkies om per bondel te betaal.

Drukwerk kan tussen 8:00 en 16:00 op weeksdae by die fasiliteitskantoor gedoen word. Pryse is beskikbaar op aanvraag.

Elke kluster is toegerus met sy eie versender (router). Koeponne kan tussen 8:00 en 16:00 op weeksdae by die fasiliteitskantoor of direk op die diensverskaffer se webwerf gekoop word. Meer besonderhede sal by jou aankoms aan jou voorsien word.

Amelia

Marissa Laing

Fasiliteitskantoor, B L1-03

Tel: 051 436 1621

Cell: 064 621 9199

Epos: blocka@fttbloem.co.za

 

Bell

Hester Potgieter

Fasiliteitskantoor, B L1-03

Tel: 051 436 1621

Cell: 063 830 6857

Epos: blockb@fttbloem.co.za

 

Educata 

Hester Potgieter

Fasiliteitskantoor, B L1-03

Tel: 051 436 1621

Cell: 063 830 6857

Epos: blockb@fttbloem.co.za

Kantoorure

Maandag tot Vrydag 08:00 tot 17:00

ALGEMENE INSTANDHOUDING

Stuur asseblief enige onderhoudsverwante e-posse na

maintenancea@fttbloem.co.za (Amelia-koshuis)
maintenanceb@fttbloem.co.za (Bell-koshuis en Educata Privaat Akkommodasie)
Merk die e-pos-onderwerpreël duidelik met JOU VAN, naam, kluster en kamernommer. Gee ook ’n kort beskrywing van die probleem in die e-pos.

 

NOODGEVALLE TYDENS KANTOORURE: Ma-Vr 08:00 tot 17:00

Chaney Niemand

Kantoorbestuurder, Fasiliteitskantoor, B L1-03

051 436 1621

Sel: 066 019 2293

 

NOODGEVALLE NA-UURS

Kontak asseblief jou hoofstudent, klusterleier of vloerleier wat dan die toepaslike persoon/persone sal kontak. Maak altyd seker jy het hierdie nommers op jou selfoon.

Met die inwonende hoof, fasiliteitsbestuurder, jou hoofstudent, die primaria of jou tutor by jou privaat studente-organisasie (PSO). Alle eerstejaars kry ’n mentor (senior koshuisstudent) wat hulle help met registrasie, akademiese probleme of enige ander vrae.

Een keer per week op ’n spesifieke dag vir ’n spesifieke vloer. Die skedule sal op die kennisgewingbord op elke vloer wees asook by die fasiliteitskantoor.

Vra jou hoofstudent of mentor om jou te help. Hulle sal al die nodige inligting kan voorsien met betrekking tot kampusaktiwiteite.

Elke vloer het ’n hoofstudent en die besonderhede is op die kennisgewingbord van daardie vloer asook by die fasiliteitskantoor.

Ja, ons het ’n eetsaal op die sesde vloer en ’n eksterne spysenieringsmaatskappy lewer voorafbespreekte etes by die perseel. Hierdie diens word nie deur ons bestuur nie; jy kan die spysenier direk kontak en sy sal die verskillende opsies verduidelik:

Ete van die dag

Chantelle Venter

084 614 7974

Jy mag niks aan enige van die mure/deure in jou kamer of êrens anders in jou kluster aanbring sonder die geskrewe toestemming van die bestuur nie.

Daar is baie oop- en onderdak-parkering beskikbaar, maar die aanvraag is uiters hoog. Senior studente en studente wat hernu kry voorkeur. Die jaarlikse fooi is vooruit betaalbaar en parkering word op ’n eerste-kom-eerste-gehelp-basis geallokeer nadat jou volledige aansoek en betaling vir die jaar ontvang is. As jy nie betyds aansoek doen vir parkering nie, sal ons moontlik nie vir jou ’n parkeerplek kan gee nie.

Nee, jy kan slegs met jou eie motor by die parkering inkom as jy geregistreer is vir parkering en toegangsmagtiging ontvang het op die parkeringsgroep. Toegang word aangemeld op die groep en jy word nie toegelaat om vir iemand anders oop te maak nie. Dit is dalk ongerieflik, maar die stelsel is daar om die veiligheid van studente te verseker.

Amelia en Bell neem deel aan spansporte.

Alle besittings moet verwyder word vir die Desember/Januarie-vakansie, aangesien onderhoud of herstelwerk en deeglike skoonmaak in hierdie tyd gedoen word. As jy jou besittings oor die Desember/Januarie-vakansie wil agterlaat, moet jy reeds geregistreer wees (hernuwingskontrak volledig geteken en eerste betaling vir die daaropvolgende akademiese jaar ontvang), anders neem ons aan jy kom nie terug nie en jou besitting sal verwyder word.

 

As jy wel hernu moet alle los items weggepak word, yskaste afgeskakel wees en alle bederfbare items verwyder word. Dieselfde geld ook in die Junie-vakansie as jy nie in die kluster gaan bly gedurende die resesperiode nie. As daar dringende instandhouding gedoen moet word tydens ’n vakansie/reses, sal jy voor die tyd in kennis gestel word sodat bestuur hierdie werk kan doen.

 

Ons kan stoorplek voorsien vir sommige van jou besittings (geen waardevolle artikels) slegs as dit in bokse/kratte gepak is en duidelik gemerk is. Vir studente wat ver woon, sal ’n spesiale vergunning gemaak word, maar jy moet toestemming vra alvorens jy jou besittings agterlaat.

Ja, jy mag. Reëlings moet vooraf getref word met die inwonende hoof.

Nee, ons voorsien nie vervoer nie, maar studente reël dit gewoonlik onder mekaar.

Slegs olieverwarmers word toegelaat. As jy ’n verwarmer in jou kamer het en jou klustermaats het nie, sal jy proporsioneel meer tot die koopkrag van die eenheid moet bydra.

Ons beveel aan dat jy in groepe loop.

Huisvergaderings is baie kort en tot die punt. Dit word slegs gehou as dit nodig is om belangrike inligting aan almal oor te dra, dus nie elke Maandag nie.

Ja, stuur ’n e-posnavraag vir meer inligting oor die rekeningafslag na:

 

Amelia:

blocka@fttbloem.co.za

 

Bell:

blockb@fttbloem.co.za

 

Educata Bloemfontein Privaat Verblyf

blockb@fttbloem.co.za

 

Die afslag sal bepaal word deur wanneer jou rekening betaal word en in watter proporsie.